فاكر كل الناس زيك
لما تكون أنسان مش تمام وطباعك غير كل أنسان
تبقى فاكر كل الناس زيك لا ياعم أصحى وفوق بلاش جنان
لما تكون مريض بحب الدنيا ولجل غرضك تبيع الأهل والخلان
تغدر تخون تكذب وترشي عشان مصلحه كمان
تلاوع تفتن تأذي بلسانك يبقى أكيد يوم القيامه مش في الحسبان
لاء والأنيل من كدا فاكر أن كل الناس زيك تمام وأنك الكسبان
زمان قالوا الحلو حلو في كل الأحوال وفي عينه البر والأحسان
وسيء الطبع أبعد عنه بقربك منه راح تكون خسران
عشان فاكر كل الناس زيه في طبعه ومسيطر عليها الشيطان
دماغه كلها شر وهدفه متع الحياه عايز يوصل لغرضه بأي طريق أيناً كان
أنسان فاشل باع الآخره وأشترى الدنيا هو ده الجنان
حكمة بسيطه من قصة صغيره زوجة زوجها غضبان
راحت لاهلها وتركت الدار راح يصالحها وقال أنا غلطان
قالت مني غضبان حب غيري ومشي معاها في سكة الشيطان
راح قالها كل الناس كده ومعايا الدليل كمان
أمك بتحب وتعشق وهيا عجوز يبقي أنا الكسبان
عايز يمسك عليها زله ويرجعها في عصمته زي زمان
لكن خاب وخسر وأتقلبت عليه الدنيا وراح اللي كان
الوحاشه ليها ناسها وكل الناس مابينهم أختلاف في الأوزان
راضي السقا
ليست هناك تعليقات:
إرسال تعليق