رحيل ... الجدع
بقلمى مسيو/ احمد الصعيدى
القلب صابه الوجع .
والحزن مالى العين .
والهم كسر الجدع
والحلو اصبح شين
. اه يا زمن البدع
قولى اروح منك فين
من يوم غيابك عنى
والهم بقى بالكوم
امشى فى الدنيا تايه .
والناس تقول ما عليه لوم.
القلب صابه الوجع
ومن الحبيب محروم
من يوم ما غاب الجدع
وعينى ما شافت نوم
يا ضاربين الودع
قولولى حبيبى فين
دا كان مخلص وجدع
راح وراح زمانه
وتركلنا أبو وشين
تشوفه عامل جدع
ويقولك انت جوه العين
ووراك يعمل البدع
وما يحكى عنك زين
القلب صابه الوجع
والحزن مالى العين
ليه يا دنيا العجب
الوفى فيكى يخونوه
والخسيس فيكى على
والاصيل بالرخيص يبيعوه
وبقيت ادور على غالى
اهله زمان ربوه
احفظ يا ولدى صاحبك
والغالى اوعى في يوم تبيعوه
ليست هناك تعليقات:
إرسال تعليق