أوجع بالقوي
أضرب واوجع كمان بالقوي كل أما يزيد الوجع يقل الآلم
خلاص الجسم نحس والروح بقت عدم
من كتر الوجع حطيت قدامي ورقه وقلم
قولت أكتب وأسجل للي بعدي يأخد مني موعظه خلص مني حبر القلم
شقيت وريدي وكتبت بدمي سطور حكايتي أصل أنا مش حاسس بألم
أول حرف كتبته ليه الجرح وقته طويل والفرح اتعدم
ليه الجروح صعب الشفاء والدمع في السماء بيرفرف كيف العلم
ليه الناس بتبعد عن بعض بدون سبب والدنيا مخلوقه من عدم
الحزن دايما علي الناس بينادي والفرح مكسوف يدخل حتي بيت الكرم
تحب ناس تعشق ناس تفارق بدون سبب كأننا بلا أحساس وبقينا صنم
قطيع ماشي في الصحراء صاحبها بيهشوا علي الغنم
معاه العصي لكنه لا بيهش ولا بينش راح القطيع يمشي لحالوا ماحد ألتزم
في اول مفارق الكل أختلف اللي راح من هنا وراح من هناك وفي بعضهم أنصدم
كيفك يأنسان كيف قطيع الغنم تبعد تفارق تتقابل مع أول مفارق تتصدم
واخرة المشوار الكل ما راح يكون في وقت العتاب وتنكشف كل الذمم
راضي السقا
ليست هناك تعليقات:
إرسال تعليق