@ رسالة للحبيب @
عقلي وقف محلك سر لا قادر يفكر ولا يكتشف السر
أخدت القرار لوحدك تفارق تبعد تترك ليا المر
فاكر لما اتفقنا نكون مع بعض في الحلو والمر
أول مره من يوم ماعرفتك تفكر لوحدك جوه قلبك تصر
طب كلمني فهمني ده وعد الدين حر
لكن تغدر بيا وتبعد عني سلمت لله الآمر
لا قادر افكر ولا أشفي جروحي من الغدر
من زمان أنا ماشي بقع وأقوم ولهمومي بجر
لكن وقعة المرادي لا تفرح حبيب ولا تصر
أحساس رهيب راح يقتلني حرب جوايا كلها كر وفر
فوق ضهر المركب أنا واقف جف النهر
تفيد بأيه المركب ومن تحتها الصخر
لا هيا هاتمشي ولا راح ترسي علي بر
لميت حالي فارقت البشر وهجرت النهر
تعمل أيه ياحزين سلم آمرك لله وصلي الفجر
أنتظر شروق يوم جديد وكفايه طحن وعصر
هيا الأيام كدا ضروري نعيشها بكل رضا وصبر
راضي السقا
ليست هناك تعليقات:
إرسال تعليق