شيخ الكتاب
حد شاف شيخ الكتاب ؟
طيب مين يعرف شيخ الكتاب ؟
شيخ الكتاب كان معلم
حافظ كتاب ربنا وبيعلم
والله صوته لسه جوايا معلم
وعلي طريقته بقراء وبتكلم
شيخ الكتاب كنا بناديله يا سيدنا
ولما نغلط نفرد له أدينا
يضرب عليها برفق علشان يعلمنا
ولما كنا نغيب يوم يسأل علينا ويبعت زميل لينا ويجبنا
شيخ الكتاب كان قيمة وقامه
شيخ الكتاب كان كريم رغم أنه
فقير بس عنده عطاء وسخاء
ملهوش حدود
شيخ الكتاب كان مربي ومعلم
مش بس علم القرآن والسنه
ده كان بيعلمنا الأدب واصوله
واحترامنا للكبير
والرفق بالصغير
وازاي نحترم الجار ونكرمه
ونقف جنب الضعيف
والمحتاج نعطيه
والجعان نطعمه
شيخ الكتاب
كان بياخد اجر قليل
وكان راضي
حامد ربنا وشاكر نعمته
شخ الكتاب مكنش بس أستاذنا كان مدرسه وجامعة وحكيم
وكان وكان ولأخر الزمان
نحكى عنه شيخ الكتاب
على خليفة ابو كريمة
ليست هناك تعليقات:
إرسال تعليق