سوا كبرنا
..........
سوا من الصغر شبكنا إيدينا
سوا لعبنا سوا مشينا
وسوا حكينا
وبعد ما كبرنا وكبرت أمانينا
صرنا بالحب والشوق
ننعم و تحلا ليالينا
معقول كل واحد فينا
يمشي بطريق وننسى
حتى أسامينا
معقول كنار الحب
يفل وينسى اغانينا
وطير الهدهد يسكت بانغامو
اللي كان يغنيها لينا
والفراق يقتل الشوق والحب
ويقتل كل ما فينا
عالبعد ما تعودنا ولا بنعرفو
ولا كنا بنعرف مآسينا
واليوم كل شي بينا مات
وماتت معانيننا
يلعن بي الفراق والبعد بالأسى
بالعذاب عيشونا وفيهن ماحيينا
وانكتب عالقلوب من بعد الصغر
يكبرو وتجف بكبرهن عينينا
ونبقى باقي العمر عايشين
والروح للقهر والجروح مسلمينا
وهيك حكايتنا يارفيق
العمر كتبنا نهايتها بإيدينا
وكل واحد فينا بحياتو
يذكر ولادو بكرا فينا
والدمعات عالخدود تمشي
متل ما عالشوك و بالعزاب مشينا
على مهل وعلى الجمر والنار
كوينا ايامنا وانكوينا
وخلي حكايتنا نذكرها
ونحكيها ونذكرما فيها
...هي... إذا كنا لسه متذكرين اسامينا
......
عثمان الأقرع ...سوريا
ليست هناك تعليقات:
إرسال تعليق