تغيرت الملامح
لسه شايف فى المرايا
خيال فيه بقايا جسمي
لا الملامح هيا هيا
ولا الخيال فيه رسمي
كل مرة آبص فيها
وأسأل روحي وأقول
دا جسمي
ولا يمكن بقايا رسمي
ماعدت شايف غير بقايا
خيال وشايل بس أسمى
نظرة العيون اتغيرت
شاليه حزن من طعن
الزمان فى جسمي
والهموم على الجبين
على شكل كسر بخطين
كل كسرة فيها عمر راح
وضاع مع السنين
عمر فيه حب وحنين
وفراق وبعاد وجرح
السنين وضياع منا
أغلى المقربين
أنتى وحدك بتفكريني
بكل اللى فات واللى راح
وكانت ملامحى شكلها
إيه من زمن ومن سنين
عمرى راح وضاعت
ملامحه وسابني ليكي
تقسي عليا
كل شويه تفكريني
باللى فات واللى راح
وكل فرح وكل جرح
في عمري شفته
يظهر عليا لما أنظر
بعيني فيكي
وكل مرة يتغير حاجه
في ملامحي وتروح
مع السنين وتمشي
ولا يبقي إلا إسمي
لسه شايف فى المرايا
خيال وشايل بس أسمي
Ahmed gadallah
ليست هناك تعليقات:
إرسال تعليق