أنامابحنلكيش
•••••••••••••••••••••••••••••••••••••
فاكرانى ولامش فاكرة
أنامابحنلكيش
لو عيونك شمس بكره
لا ماتشرُقيش
أيامى خدتيها وخونتيها
وجراح بإيديكى زرعتيها
وسنين طويلة بأمانيها
لقيتها سراب مايساويش
أنامابحنلكيش
أنا مهما كان البعد
جرحه قاسى وبيهد
انا هابنى الف حد
وحنينى مايهزمنيش
هوه اللى يخون العهد
يتسمى حبيب بجد
ولا اللى عاش يهد
أأمنه تانى واعيش
أنا مابحنلكيش
ومن غير لوم وعتاب
وسؤال مالوش جواب
كان ذنب وقلبى تاب
عن حبى ماتسألنيش
آه ياذكرى العذاب
على قد ماقلبى داب
قلبك عاش كداب
غربنى ومارجعنيش
أنا مابحنلكيش
••••••••••••••••••••••••••••••
حسام الدين صبرى
ليست هناك تعليقات:
إرسال تعليق