الاسم رضا علي احمد ابو شنب
الشهير ب(بيرم المصرى)
قصيدتي الطويلة الجديدة
16/09/2021
(يوسف)
(1)
يوسف ما متش
لساه بيحلم بالنجوم
لساه بيحلم بالقمر
والشمس بتشيل الغيوم
لساه بيدعي لربنا
في الشدة او وقت اللزوم
يوسف ما متش
لساه بيحلم بالنجوم
(2)
في البير رموه
وازاي هيطلع او يعوم
ازاي يعيش
وازاي عنيه هيجيلها نوم
ولا عنده عيش
ولا حتي متغطي بهدوم
غيرك مليش
يارب هيشيل الهموم
(3)
ربك بعت طوق النجاة
وقال ليوسف يالا قوم
هو اللي ربه يكون معاه
طول الحياة لازم يقوم
لازم يعدل الاتجاه
والخير ////// يدوم
مهما افترقنا وقولنا اه
فلابد هيجمعنا يوم
والظلم مهما يطول مداه
عند الاله تيجي الخصوم
ولكل من راح في اتجاه
علي نفسه كان لازم يلوم
الكل يتمني الصلاة
يتمني يسجد او يصوم
يتمني نظرة من الاله
ويعيش عليها كل يوم
(4)
علي السوق خدوه
بالبخس بيبيعوا اللحوم
وسط العبيد قالوا عليه
من يشتري العبد الخدوم
من يشتريه يتهني بيه
هيشغله من غير رسوم
(5)
يوسف صبح زي القمر
او كان بيشبه للنجوم
علشان جماله كان قدر
الكل كان يعمله زووم
الكل شافه مش بشر
قالوا ملاك لكن خدوم
بس الملاك ازاي غدر
وازاي تقطعله الهدوم
(6)
زليخه قطعت سكته
لفت عليه فضلت تحوم
فتحت في بابها وسكته
قالت تعالي نحب يوم
شدت قميصه و قطعته
لما رفض فعليه تلوم
لازم تحقق رغبتي
او تترمي جوه السجون
من حزنه دمعه بيشتكي
يارب مش ممكن اخون
ارحمني واحفظ عورتي
خلصني من اهل المجون
السجن لو كان اخرتي
فالمر في رحابك يهون
******************
(7)
في السجن كمل دعوته
وبقلبه كان دايما حنون
عايش لربه في عصمته
وبذكره كل الكون يهون
و الرب رزقه بحكمته
خلاه يشوف من غير عيون
اللي يخبي و نيته
واللي يعيش جوه الحصون
كبرت وطلعت سمعته
ربك ده خلاف الظنون
دااللي يكون في معيته
بيقول له كاف وتكون بنون
********************
(8)
صرخ الملك شد اللحاف
شاف البقر في الحلم خاف
قال يا بشر صابني الجنون
مين اللي يعرف ايه حصل
او ايه يكون
قالوا اللي يعرف يا ملك
جوه السجون
هو اللي يعرف في الفلك
وقت السكون
هو اللي يعرف ايه حصل
او ايه يكون
**********************
(9)
قام الملك من قاعدته
ام قال هاتوه
لازم اقابل حضرته
او اني اتوه
يوسف بري من تهمته
والناس خانوه
اخواته كان من ظلمهم
في البير رموه
ولا عمره كان بيهمهم
ولا حتي ابوه
************
*************"**"
(10)
رفعه الملك من سجنها
خلاه في قصر
علشان لقاه بيحبها
ويموت في مصر
ربك ذكرها باسمها
وفي كل عصر
من بعد ما داق منها
اصبح في نصر
والعسر لو كان عندها
فمسيره يسر
يوسف ما متش
في كل حته قصته
ولكل عصر
في كل حته قصته
ولكل عصر
يوسف ما متش
ليست هناك تعليقات:
إرسال تعليق