قررت أكسّر .....كل القيود
و أطير وأعدّي كل الحدود
وأبدأ أعيش مادام موجود
تعب قلبي من الإنتظار
ومن صبري اللي دوبني
وعانت كتير من الأسوار
ومن سجني اللي عذبني
داريت ياما كتير أسرار
وأيامي تعاندني و تغلبني
وقولت لنفسي...ليه صابر
علي الغُلب اللي عايش فيه
ههدّ السور......مادام قادر
وجرح القلب...قوم و داويه
تعبت خلاص من الأعذار وم التبرير
حاولت كتير...لكن مش نافع التغيير
مادام الليل مالوش آخر.... بنسهر ليه ؟
هنندم ليه على اللي راح ونبكي عليه
ماتيجي نعاند الأيام.... ونغلبها
نحاول نسرق الفرحه ومانسيبها
ماهي الدنيا ..لعبة حظ...بنلعبها
ياتخسرها.....................ياتكسبها
تحياتي... سيد عبد العظيم
ليست هناك تعليقات:
إرسال تعليق