♧♧♧♧♧♧♧♧♧ أنا العامية ♧♧♧♧♧♧♧♧♧
♡♡♡♡ أنا شايف تحيز للفصحى على حسابي ♡♡♡♡
أنا العامية
وكل الشعب أحبابي
كلامي سهولة ، ورجولة، وفي العادي
لا فيه كلاكيع ، ولا بيكون ، كلام فاضي
أنا الأمي ، وللعامل ، وللعالِم ، وللقاضي
أنا الإحساس ، أنا من الناس
أنا تعريفي ، بحياتي
أنا دايما ، مع أخويا ، ومع وأختي
هزاري ، في وسط أصحابي
أنا من الدنيا ، والأيام
وهتلاقيها في أخلاقي
أنا العبرة من الأجداد
أنا نصيحة لأحفادي
أنا عشقي ، إللى دوبت
وقولته ، لحبيبي
أنا كلمة ، في شارع ، أو في بيت
أو حتى فى النادي
《《《 أنا العامية 》》》
طول عمري ، صدى بلادي
♡♡♡♡♡♡♡♡♡♡♡
كلماتي / شاذلي محمد عبدالرحمن حسين
《 في حب العامية 》
ليست هناك تعليقات:
إرسال تعليق