السلام لله...
يعدي ما يصبح
ولا يرمي السلام
بعيونه يجرح
حتى من غير كلام
روق وفتح
هوا انت كدة تمام التمام
حزين م البشر
حزين م البني ادمين
ناس قلوبها حجر
والحساب يوم الدين
نار وعذاب
جيتك وخبط ع الباب
ولا نافع لوم ولا عتاب
نار جهنم آخرة الخصام
بمد ايدي ف ايدك
وكلنا ولاد آدم
ربنا يديك ويزيدك
وتسعد وتكون غانم
ليه تتكبر عليا
راحت فين الاخويه
وليه كل عنيك ما تيجي ف عنيا
على طول الاقيك نادم
كلام من قلبي بقولو
يا صاحبي السلام لله
مش صدقة ولا إحسان
دي محبة خلق الله
والتواضع من طبع الكرام
بتداري وشك عني
وبتخسر الحسنات
يا صاحبي حتى لو زعلان مني
الدنيا خد وهات
تعالى ننسى الاسية
هات ايدك ف أديا
صوتك ناداني ف المنام
دعوة حب وخير
لكل الناس
حب وازعل بضمير
واوعى تموت جواك الإحساس
خلي قلبك كبير
وحاسب نفسك قبل ما تنام
السلام لله....
عبدالله رجب ابوعدنان
ليست هناك تعليقات:
إرسال تعليق