أسير الشوق
**************
اتعلمت اكتب عشانك
اكتب احساسى ومشاعرى
واكتبلك
اشعارى وخواطرى
وكام قصيده واكتب مقال
أسير لشوقك واكتب فى حبك
وكل نبضه بين ضلوعى
بتحكى عنك
وتحكى عن حبى اللى طال
كل نبضه بتحكى قصه
وكام مقال
واكتب فيها مهما بكتب
مابيخلص منى الكلام
الهامك
علمنى أعيش باحساسك
واحس بشوقك الدافى
علمتينى ارسم ملامحك
من الخيال
بريش نعام
من صوره محفوره ف قلبى
من زمان
ما اتغيرت فيها ملامح
ولا متبدل فيها حال
صوره بملامحك م الذكريات
رسماها الليالى والايام
محفوره ف بالى ونبض قلبى
منحوته طابع جوه عقلى
مطبوع احساسها ع الجبين
ومهما عدت من سنين
نسيانها أصعب م المحال
خلتينى أسير لشوقك
علمتينى ازاى اشوفك
فى المنام
ملكه وأميره أو حوريه
صورتها فى غاية الجمال
علمتينى أكون اسير
ومن شوقى عاشق لقلبك
وآبنى منه عش الغرام
علمنى أعيش على نبض قلبه
وروحى ف شريانه ووريده
وعايش بيه
ملك قلبى وملك روحى
واتعلمت اسهر معاه
علمنى حساب عد النجوم
من الحب فى عز النهار
وبنيت من العشق الجبال
ناحت صورتك ع الجدار
ذكرى سبهالى الزمان
صوره رسمهالى بروحى
ومناره عشق للعشاق
مكتوب عليها من بره
اسير الشوق
م/محمد بدوى أبوالعلا
ليست هناك تعليقات:
إرسال تعليق