باب الفراق
•••••••••••••••••••••••••••••••••••••
عايز تروح ماتروح
باب الفراق مفتوح
ماكل شىء بيروح
إرتاح وسيبنى ارتاح
عايز تغيب ماتغيب
الشمس مش هاتغيب
ده كل شىء نصيب
لو فرح ولا جراح
البحر مكانش صافى
والحب مكانش كافى
وحضنى اللى كان دافى
مبقتش فيه بترتاح
وبدل ماتدارى عينيك
تعالى واجهنى بيك
إيه زرعته بإيديك
غير الوجع طراح
أناهاخد جرحك عادى
صدقنى ببعدك راضى
كان ومن الليلة دى
هاعتبروا حلم وراح
بللى اخترته أناموافق
أزعل ليه وانامش فارق
انت الليل جواك فايق
مهمازرعتلك صباح
باب الفراق مش هقفله
خيط انقطع ليه نوصله
مش كل جرح هااجمله
وارجع أقول سماح
كانت حكاية وانتهت
صفحة ألم خلاص انطوت
قلوبناتعبت واتغربت
آن الأوان ترتاح
يلا سلام ولملم دمعك
أنالاشايفك ولا سامعك
ليه مُصر تمثل وجعك
أناكده خلاص هرتاح
مايصعبش عليك الوجع
ولاقلب فى حبه اتخدع
زرع الورد ولما طلع
لقاه شوك دباح
•••••••••••••••••••••••••
حسام الدين صبرى
ليست هناك تعليقات:
إرسال تعليق