موجوع ياقلب الجدع
والنزف فيك شغال
قاموا وضربوا الودع
لقوا في القليب زلزال
زلزال حزين ع القيم
وخلق ماشية شمال
ودنيا حالها اتقلب
وماشية بالمندار
رقاصة مالية الشاشة
ومعاها كام طبال
وفيلم هابط
ويقولوا فيه أبطال
والجونة جمعت عرايا
والعهر وياهم
كشفوا جميع الجسد
وما حد غطاهم
وكورة ترفع في
سعر كام لاعيب
في الصحة رشوة
وفيها كام هليب
وغلابة مش لاقية
علاج وطبيب
وكام حنش شغال
سرقة مع تهليب
والكلمة تايها المعالم
محتاجة للتأديب
موجوع ياقلب الجدع
ومافيش علاج لطبيب
موال .لصبحي الامام
ليست هناك تعليقات:
إرسال تعليق