طلوع لشمسنا اللي متغيب
وصباح وصوت العندليب
بنظره منها اوجعنا كانت تطيب
لسه صوتها جوه سمعي
لسه ايدها مسحه دمعي
منا مش لوحدي!
اخواتي كمان بيزعلوا في ساعتي!
تطبطب على مين
واحنا صغيرين
تواسي الواد
تزن البت
تواسي البت
يزن الواد
حبلها السري .. حامل وداد
بقينا سبعه يا ام العيال
بيقولوا كنتي تجيبي التوام من هنا
وتجري على اكل عيشك اوام
ولسه يامه زاي ما انتي تمام
بتجري وتشقي عشان نعرف ننام
صرفتي كام .. قبل الكلام ؟
مكنش سؤال ده كان جواب؟!
وجوابي على سوالي وجعني
في الهزار
اما امي اللي قالت
عقله طار
وجوبت نفس جوابي
لما قالت يوم غيابي
عمري ضاع
عرفت سعتها التمن
ب اني المدفوع مش مال
عرفت اني اللي شال جبال
واني اللي ربت
واللي صرفت
واللي شالت
واللي حمت
واللي حضنت
واللي سبت
كانت امي
واللي ودت
واللي جابت
واللي بعدت ثما سابت
واللي قالت ياما عمري
فدي ليهم
كانت امي
واللي لسعت
واللي ضربت
واللي كسرت
واللي هدفت
واللي كلت في عيالها اكل
بردوا امي
هيا وصفها فوق الخيال
حبها في قلبي ده محال
يعني ايه ام العيال
اسمع يا واد
عايزاك مهندس قد الدنيا
انت مش قليل
ف الوي بوزي وعلى كتفها اميل
تحضني حضن فوق الخيال
وتنهي بجوز اقلام
اسمع الكلام
فز نام
ف اهرب اوام
قبل الشبشب
اصلها حكايه ومدرسه
مع احترامي للحضور
امي تعلمك يا استذه
وضحكنا بما يكفي
امي لسه سايبه كفي
لما قالت اوعي يا ابني
تبات ظالم
واما قولت حبه يعني
اعمل مثقف
حطت ايديها على خدها
وسمعت
خفت من ايدها التقيله
اصلي امي لما تهزر
بعرف اني هتجبس او اعمل جبيره
كل اللي بقوله ده هزار من وحي الخيال
امي اصلآ حد عصبي
لكنها الحضن والامان
#محمد_الفرماوي
#امي
ليست هناك تعليقات:
إرسال تعليق