شيء. إنكسر.. كلماتى.. عـــــــــــــــــــــــادل داود...
شيء.. جوايا إنكسر.. وهو ده القدر والقسمه..... والنصيب
لما يجى القدر ماتقدر تبعد خطر والمكتوبلك لازم.. يصيب
ولما يجى القدر. تلف بجرحك كل الدنيا ماتلاقى له طبيب
دنيابتعدنا أيام. فيها بحظه كسب وفيها بيحفر... وبيخيب
شيء إنكسر.. ــــــــــــــــــــــــــــــــــــــــ
قلبى إتعصر. سافرت وروحت وجيت. والحال هو.. الحال
قدرى أعيش غربتى ووحدتى. مسافر مع الشقا...... رحال
وعجب العجب عذابى بلا سبب. غير إنى حظى......... مال
من يوم ميلادى لافرحت.ولاحسيت بالحياة ولا راق البال
شيء. إنكسر.... ـــــــــــــــــــــــــــــــــــــــــــــــــــــــــــــــ
قلبى اتحصر.مش لاقى حظى وعنوانى منى................. تاه
حياتى دموع وخضوع..وشقا. وألم وقولة..................... آه
كله ضاع.بقيت فى الضياع. بحر خوف. وحياه مش حياه
أصرخ مابسمع غير الصدى.وكل الأمل فى رحمة........ الإله
شيء إنكسر... ـــــــــــــــــــــــــــــــــــــــــــــــــــــــــــــــ
واقف فى شباكى الناس فرحانه وانا باكى. وآلامى. بتزيد
ألف سنة. مستنى الفرح والهنا ولاجاش. ولا جانى.... العيد
دنيا غدرت بيا سقتنى قسوة بدل الحنيه. حقن ف الوريد
مالى غير ربى يزيل يوم كربى.ومسير شموعى.تنور. تقيد
... من كلماتى... عـــــــــــــــــــــــــادل داود......
ليست هناك تعليقات:
إرسال تعليق