بقلمي ✍️على نجيب الشراري
كل الأوجاع
كل الأوجاع بتزيد
لو يوم مرت ذكراك
حتى وإن كان الهم بعيد
ساكن براي
اضحك اتظاهر أن انا
صخر واقف جلمود
أو عود أو ناي
طاير في السماء
وي الانغام
هتضحك على مين
كل كلامي
دا ملهش اساس
حتى احساسي
باين مفضوح ولكل الناس
وهداري على أية
وجعي وانا حزين
لو فاكر اني انا عيش
بعدك تبقى انت عبيط
انا شارب المر يومياتي في بعدك
شايل الطين
حبيت اعمل زييك
لكن مينفعش.
وأكد عارف انا لسة
شريك
اصل انا مببيعش
من ييجي كام يوم
مريت لمك
كنت في نواحيك
مانا اصلا لسة بقلبي شريك
وسرحت بقلبي وعقلي
معاك
كانت ايام الله يجزيك.
فاكر يوم المطره يا قلبي.
كان يوم اسود شيلتنا طين
ولا يوم موقعت من العشة
عند الزغاليل
طب فاكرة ابوكي
يوم ما مسكنا واحنا صغار
ساعتها عشان نخلع منة
الافنا لابوكي ييجي الف حوار
وساعتها يدوب خدنا القلمين
وجرينا انا ونتي قوام للدار
ولا يوم ما ركبنا حماره
عم حفيظ
وحنا بنرعا في غيطنا الأبقار
كانت تجري كيف الرهوان
وانا اقول يالطيف
وتبوطي فيه وانا اصرخ
كيف المجانين
فاكرة رحايا خالتي علية
ولا يوم ما غرقتي
من المية
الله يجزيك صحيت القلب
من الأوجاع
مع اننا كنا صغار لكن
كنا بنحس بعض
لية لم كبرنا
اتغيرنا وجفانا البعد
ليه غيرتي كل وعودك
مش كنت في يوم انا محبوبك
مش كنت انا قلبك
وعيونك
والنسمه الطايرة على خدودك
انا كنت بس هواك من غير ماتقول
بقى دة معقول تبعد وتسيب
القلب بمليون شرخ
َما كفاية الجرح اللي تركتة
من يوم ما مشيت
بعدك لملمت انا جوباتك
وقفلت عليها بقفل حديد
وبغيب وأقراها واتوه فيها
مانا اصلا حافظ معانيها
شايل كل حرفك في القلب
ومخصص الف وريد ليها
بقي دة معقول ارمي بزورك
حبة بحبة
ولا شوف منك انا يوم محصول
طب راعي العشرة اللي مابينا
طب دا ينفع أن أقرب منك
واصونك وانتي بتبعدي سنا
بسنا
والله حرام
كل اختياراتي كان ليكي
وانتي بتلعبي بالقلب
قمار
مش دا كلامك
كام مرة تقولي ان انا قلبك.
وحبيبك فارس احلامك
في نهايه القول
قلبي هيفضل يعشق
قلبك لو كان بينا
مسافات وبحَور
لما اتمنيتك في الدنيا ومحصلش نصيب
فسجد مئةت لربنا ودعيته
يجمعني انا وانتي في الجنة
يا أعز حبيب
تحياتي على نجيب الشراري
ليست هناك تعليقات:
إرسال تعليق