" أغرب قصة حب "
أغرب قصة حب
على وجه الأرض
لو لفيت الدنيا
طول وعرض
مش هلاقي اتنين
حبوا بعض
قد منا وهيَّ
حبينا بعض
يوم اللقا كان
يوم السعد
ويوم الهجر
برق ورعد
ولو إتأخرت ثانية ع المعاد
خد عندك..ضرب وعض
كنا ليلاتي سهر لحد
الفجر...ويمكن بعد
يوماتي أصحى على صوتها
وتصحى على صوتي
تحكيلي عن بيتها
واحكيلها عن غيطي
ونتبادل العبارة المشهورة
مش هبعد عنك..لو فيها موتي
إنتهت القصة وفاتت
لا انا موت ولا هيَّ ماتت
اللي مات الحب
بعد ما جاته جلطة
لما شافنا...إفترقنا
لمجرد غلطة
قال يااادي الورطة
يا دي المرار الطافح
هما دول بتوع إمبارح
هما دول اللي كان خيالهم سارح
يعلموا أولادهم
ويسكنوهم أحسن مطارح
مفيهمش واحد
قدر يسامح
يااااه على قلب
الإنسان الجارح
على أقل غلطة
الإنسان يبيع
وعلى أتفه سبب
قصة حب تضيع
ياااه على القسوة
وعلى الجبروت
بكى الحب
قبل ما يموت
وقال هيعرفوا قيمة بعض
بعد ما الأوآن يفوت .
#الشاعر_مصطفى_عبده ✍️
ليست هناك تعليقات:
إرسال تعليق