بدأ الشتا..............
ونعيد معاه الذكريات
ويّا المطر....
من عمر عدّي و فات
ضحكتنا بتطول بالساعات
و كانت تجري خطاوينا
كأنها دقات
نجري هنا......
ونقعد هنا.....
ونضحك هناك
و بسرعه نلقي الوقت عدي
أوام وفات
كان حلمنا..
نفضل سوا حتي ف سكات
راح كل دا..
مافضلش غير حبة آهات
ودموع تبات جوه العيون
علي حلم مات
والليل يطول...
نسرح معاه في الذكريات
ويّا المطر...
بتموت حاجات
وتعيش حاجات
ويطول معاه وقت السكات
وكأنه فصل الذكريات
ويّا المطر يجي السكون
وتبات دموع جوه العيون
علي ماضي فات
بقي ذكريات
وتضيع معاه الأمنيات
تحياتي...سيد عبد العظيم
ليست هناك تعليقات:
إرسال تعليق