كان ياما كان ....
كان ياما كان
كان فى زمان
كان فى اصول
وناس تصون
كان فى عقول
وقلوب مابتعرف تخون ...........
كان فى طيبه
وناس بتعرف العيبه
كان فى رجوله
وناس ليها هيبه ............
كان فى حق
كان فى احترام
وناس ضميرها مرتاح
قبل ماتنام ...................
كان فى ادب
كان فى وقار
كان فى سعادة
ليل ونهار ................
كان فى مودة
كان فى محبه
كان فى لقا
بين الاحبه ............
مالك يابلد
ايه غير الاحوال
الظلم بقى باين
والحق فيكى مال ...........
لما المبادئ هانت
الناس على اصلها بانت
اللى عامل كبير
كبير بالفشخرة .........
واللى غلبان فقير
تلقاه دايما ورا
لما بقت احزاب
بقت الاوضاع متأخرة .............
زمان كان الكبير
فى القعدة ليه وضعه
رايح يجيب الحق
ماهو من زمان راضعه ............
دلوقتى اللى بيكبر
على المصلحه يدور
يعرف هياخد كام
وازاى هايتصور ................
كان ياما كان .........
محمد تريكه تريكه
ليست هناك تعليقات:
إرسال تعليق