ورود الصباح
بقلم/سيد المبروك
و الورود تيجي تواسيني
و انت ساكن نن عيني
شوقي ليك و لعيونك..
كل لحظه بيناديني
والشموع تعبت سهر
و نور عيونك ليه ناسيني
فوق جبينك كتبت شعري
و تاجك لمعته تغريني
والورود تضحك سعيده
لما حست ليك حنيني
والندى ساعة الصباح
فوق ورودي و رياحيني
وانت ف الأحلام غريق
انت حلمي اللي مواسيني
كل ليله و ف منامي
حضنك بيتي اللى بياويني
السنين زي الرياح
وانت اللى تحلى بيك سنيني
مهما عدى ومهما راح..
انت روحي اللي بتحييني
بتقولي راح زمن الغرام
وانت الجنون وانت وتيني
تحياتي
#مجنون
#القمر
سيد المبروك
ليست هناك تعليقات:
إرسال تعليق