😢 ذنب مين 😢
مش ذنبها ولا ذنبه هو
بس القدر هو القضية
ِانك تحب وتعشق صبيه
رفض القدر اِنك تكون لها
و تكون هي ليك حبيبه
واِتجمع القلبين في الهوى
ومين يفرقهم رغم البعاد
قدر في يوم كده يوجعهم
بس اللي. يعشقو بجد
مهما الفراق طال بينهم
تبقي القلوب متشوقة
دايما للحظة لقا
ولو القدر من تاني جمعهم
تحكي العيون تبكي متوجعه
عن قصة كانت في يوم
مالكة الفؤاد متربعه
قولنا نسينا وعشنا حياتنا
دارينا وجعنا جوه سكوتنا.
وآه وآه من اللي جوانا
صراع وداير يزيد ألمنا
بين آه ولا متقطعين
شايلين بين الضلوع حنين
وهنعمل ايه لما. نقابلهم
نجري نحضنهم متشوقين
وآه كتير من وجع السنين
دموع آهات ونفضل دايبين
وأهي عيشة والسلام
مهما قلنا خلاص نسينا نفضل
تملي كده مستنين نعيش
مع الذكري.. مع الحنين
ونقول في يوم حبايبنا
مهما بعدتهم الأيام أكيد
من تاني لينا راجعين
طال بعدهم عنا وبرضوا
لسة مش مصدقين
اِن القدر حالف ما يجمع
بينا من تاني ونفضل
كده متوجعين. دايببن أنين
إحسان صادق
ليست هناك تعليقات:
إرسال تعليق