===== خلى صورتك =====
لو اتقابلنا تانى
فى سكة واحدة
متبصليش .....
خلى صورتك جوه قلبى
زى ماهية من سنين
بنفس الملامح ونفس الشبه
لو كان منك شبه أربعين
مش بتفارق ولا بنساك
خلينى عايش وياك
ويا غرامك .....
ويا هواك ......
ولا عمرى أنسى كلامك
ولا ضحكك وسلامك
وقت ماكان بينا الفرحة
ووقت ما خدنا الحنين
جوه بحوره بعيد
وسابنا غرقانين
لا عرفنا الهوى ننساه
وخدنا زى ما احنا معاه
خلانا حيارى ومغرمين
متبصليش ....
خلينى فى الذكرى أعيش
وعدى وامشى بعيد بعيد
كأنك متعرفنيش
متبصليش........
بقلمى
صلاح شعبان الفيداوي
القاهرة
٢٢/٢/٢٠٢٢
ليست هناك تعليقات:
إرسال تعليق