قصيدة بعنوان........ ليلة الإسراء والمعراج.....
ليلة الإسراء والمعراج
كانت للدنيا معجزه
كانت لنبينا متجهزه
دواء لجرحه من تعبه
من ناس كانوا
هما المفروض من قومه
لما كذبوا بعلمه
إل كان هو رسالة
ليه من عند ربه
ليلة الإسراء والمعراج
كانت أجمل رحله
عندما اسرى ﷲ بعبده
من نومه وهو فى دربه
من المسجد الحرام
إلى المسجد الأقصى
وخلاه شاف من آياته
إل عمر حد ماشفه قبله
ولاحد راح يشوفه بعده
فى ليلة الإسراء والمعراج
ركب حببنا النبي البراق
گ إنه بساط الريح وطار
بكل الحب والأشواق
لله الواحد القهار
ومعاه جبريل رفيقه
أرسله ربه عشانه
يشد من عزمه
ويزيد من إيمانه
برسالة الله وقرآنه
فى ليلة الإسراء والمعراج
آيات من صدقها
بقي أسمه الصديق
وهو أبو بكر الصديق
ومن نكرها وكذبها
بقي من رحمة ربي طريد
زي كل طفل لاقيط
مش عارف فين يدارى
كل شويه فى حاله
وفى يوم الحشر
هاتكون النار له هي النهاية
فى ليلة الإسراء والمعراج
فرض ﷲ علينا الصلاه
وصل نبينا حببنا
بجميع الأنبياء صلاه
وكان فيها هو الامام
صل عليك ﷲ
ياخير الأنام
يانبينا عليك الصلاة
وأذكي السلام
عليك الصلاه والسلام يابدر التمام
يامن حدثتنا بصدق الكلام
صل الله عليك وسلم...
بقلمـــــــ✍️✍️✍️ــــــى الشاعرة
د. جيهان الطنطاوى
ليست هناك تعليقات:
إرسال تعليق