& كفى يا قلب & بقلم الشاعر:د. عدنان المقطري العدنان

 ....كفى ياقلب....

د. عدنان المقطري العدنان 

كم ياقلوب في المحبه عذبت قبلنا ..

وكم قلوب نالها في البعد مانالنا ..

فالحب قسمه وكان البعد من حظنا..

كم ياقلوب في المحبه فرقت مثلنا ..

ياقلب كفكف دموعك بس يكفي عنا ..

فالحب طبعه كذا ماهو كما طبعنا ..

كم يادروب قد سلكنا في الهوى وحدنا ..

وكم وكم اوجعونا بس ما ضرنا ..

من قال ان المحبه للمفارق هنا ..

او فرقة الخل تدني موسمات الجنا ..

غبني على حبنا غبني على شوقنا ..

غبني على دامعاتك ياعذيب الرنا ..

لاذقت فرحه ولا لاقيت طيب المنى ..

غبني على كل من ضيع لاحلامنا ..

وفرق الخافقين وزاد اوجاعنا ..

غبني على اللي ظلم احلام في حبنا ..

واللي حرق في سماء البين ازهارنا ..

خلاص ياقلب يكفينا الذي نالنا ..

ارجع قليبي وخلينا نعيش همنا ..

كم ياقلوب في المحبه فرقت قبلنا ..

ياقلب هيا تعال نقنع باقدارنا ..

الحب قسمه وهذا في الهوى قسمنا ..

خلاص يكفي كفانا ياقليبي عنا ..

لا الدمع ينفع ولا يشفي البكا جرحنا ..

ولا يرجع سنين راحين من عمرنا ..