****رمضان كريم****
من غير كلام
تعظيم سلام
أيام وليالى معاك
نسهر للفجر نستناك
مسحراتى يدق الطبلة
اصحى يانايم
وحد الدايم
لقمة هنية بفرحة
فين أيام زمان
بيت أهلي كان
سحور بلمة العيلة
اااه ايام وليالى جميلة
اتجمعنا على الحب
اتفرقنا كمان بحب
أمى وأبويا أخواتى
كل العيله كانو حياتى
عادت الأيام رجعت اللمة
شكل جديد أصبح عادة
كبرت العيلة بالأحفاد
تلاقى الفرحة تتجدد
مدفع يضرب الإفطار
إفطر ياصايم تجبر
بصوت الأذان يطربنا
يشجينا ويسعدنا
إفطر ياصايم
على تمره تكرم
لقمة هنيه
تسعد انت والعيلة
مع الأولاد و الأحفاد
دنيا جديدة تتجدد
دا بفانوس أبيض وأحمر
وحوي يا وحوي يتمختر
صلاة تراويح وتهجد
قران كريم وتعبد
يوم ورا يوم يكر البكرة
نعد النتيجة نلاقى بكره
عدى وفات ايام وليالى
ذكريات عاشت الحكاوى
فطور وسحور لكل العيلة
أولاد أحفاد زهوة جميلة
ايام جميلة يخلص رمضان
ضيف وعزيز وغالي كمان
فية ليلة بألف ليلة
ليلة القدر ليلة عظيمة
تراويح وقرأن
أيام حلوه يا رمضان
كل عام وجميع المسلمين بخير
هل هلالة شهر الجود والخير
صدقاتك وزكاتك صلواتك
بكل أوقاتك قرأنك
بشهر الفرح والكرم
رمضان كريم
بقلمى*****
نعمت عامر *****
ليست هناك تعليقات:
إرسال تعليق