عيون بهيه.
عبدالله رجب ابوعدنان
طول عمري شايفك قويه
راسمه على كفك حنيه
راصده حسادك
حاضنه ولادك
ساعه الضهريه
شايف بكره ف عيون الليل
زهره بنفسج
نور متوهج
طميك حنين متحشرج
ف ربوع النيل
يفيض سلسبيل
والسحر ف عيون بهيه
لكن ياسين بيموت معذور
م الهم مخمور
وكل حبال الأمل م المارقين
وكل زارعين الشر
مناهم يشوفوه مكسور
ويخسر القضيه
زي اللي ع الخيانه متواعد
واللي ف سكه الحلم متباعد
أو متزمت نفسه ياخدك لزمن العبوديه
من اجل عيونك اغني على ربابه الحزن
بين ضلوعي يسكن الوطن
اتحمل نوبات الشرزمه
وادخل غبار المعمعه
لكن اشوفك يا بهيه تعدي فوق المحن
واشوفك ف حضني
واشوفك نجمه عاليه ف السما
زي زمان متبسمه
ونظره عنيكي أبيه
كل الغزاه عشقو ترابك
وف كل صلاه أدعي لجنابك
لأنك الحياه و فاتحه ابوابك
لكل نسمه شوق معديه
ليست هناك تعليقات:
إرسال تعليق