مردغانة وجايه تجري
الف اهلا باللى جاى لو هياخد ماى وضى
لجل ما تحس الديابا بالغلابة وتفترى
الغلابة اتحملوا اللى ما تتحملوه
واللى جاى عدل منه والسواد راح تشوفوه
عيش مفيش واكل حشيش على الجسور لو تلاقوه
واللى كلتوه بط بط وز وز هتجبوه
عدل الله وسنة منه للى على الفقير ما حنوا
وافتروا وظلموا الغلابه واللى معندوش هانوه
قولنا جايلكم المجاعة وراح تعلم كل ظالم
وكل واحد ليه ساعة فيها تترد المظالم
الرغيف - الرغيف هيكون عزيز
ويبقى ذكرى فى براويز ولو مناك انك تشوفه
بالف شكوى للبوليس لو ساعتها فيه بوليس
مردغانة وجايه تجري قولنا عنها كثير وبدرى
وحجات كثير فى صدرى مكتومة علشان اعيش
السواد جاى مسلفن بسولفان ولونه اخضر
راح يغر اللى ما يدرى وكله مكتوب ومقدر
ومش هقولك لسة بدرى جوها جاى وممطر
والرغيف هيكون عزيز ويبقى ذكرى فى براويز
ولو مناك انك تشوفه بالف شكوى للبوليس
لو ساعتها فيه بوليس
مردغانة وجايه تجري قولنا عنها كثير وبدرى
وحجات كثير فى صدرى مكتومة علشان اعيش
مردغانة وجايه تجري
بقلم محمد البلاط
ليست هناك تعليقات:
إرسال تعليق