عفن القبر
======
دنيا غريبه وأمر عجيب
لما تلاقي الحب يغيب
والشر مسيطر في حياتنا
والإنسان يتحول ديب
يظلم أقرب ناس في حياته
ياكل حق يتيم ويخيب
يفتري ع المخاليق ويكابر
أصفر طبعه خسيس ومريب
والله الدنيا ماتسوى ياصاحبي
بكره تفوتها ف يوم ياغريب
وتغادر عريان ماتلاقى
غيره سواد ياكل في الشيب
لا جنيه راح تاخد ولا درهم
ساترك كفنك خالي الجيب
زرعك قلعك كله بإيدك
إوعى تقول قسمه ونصيب
عفن القبر ودوده ياصاحبي
بكره هينهش فيك ويصيب
========
بقلمى سامح توكل أبوالسبح
ليست هناك تعليقات:
إرسال تعليق