بتداري ليه وجعك
لما الدموع فاضحاك
إحكي وقول سامعك
ولا الوجع نسّاك
منتا اللى حبيتهم
مع إنهم غابو
مسكت فى العشره
هما اللى جم سابو
باعوك وبالساهل
علشان شافوك ساهل
حبيت وصدقتهم؟
طاب يلا تستاهل
وياريت يكون دمعك
على حاجه تستاهل
دول خلق متعابه
والغدر نيتهم
ضمايرها متسابه
عالرف فى بيوتهم
طاب ليه بتتعلق
فى حبالهم السايبه
حبل الوداد إتمد
بس الخيوط دايبه
زرعت حب وود
بس فى قلوب غايبه
من جوه مش صافيين
دول حتى مش لونك
بقى دول يكونو السبب
لدمعه فى عيونك؟
ياخي تولتميت مرحب
ومصلحه إنساهم
دى الوحده تبقى ارحم
من لمه وياهم
عبدالسلام الطوخي
اشكر جدا جدا اسرة المنتدى الجميل
ردحذف