& الْعَشْقْ الْڭادي & بقلم الشاعر : محمد حديش

 ♧زجل♧

♡الْعَشْقْ الْڭادي♡

~~~~~~~~~

قَــــــلْبي مَــــــنَّكْ فَـدْفَدْ مَغْرومْ

مَــــــنْ داكْ الــــــعَشْقْ الْــــڭادي

سالَتْ حْــــــروفْ لَــبْغو شَهْداتْ

تَــــــحْتْ ظَـــلْ الـغْرامْ الكَبْراني

ؤُخَدِّي تْــــــوَسَّدْ زيـنَكْ شَهْقاتْ 

مَـــــنْ صَهْدْ التَّنْهيدَة الْكاوْياني

يالــــسَّاكْنَة بْغــــوكْ فْ الــــرُّوحْ

تــــَبْسيمَة سَــرْ بْــــهاكْ مْـهَبْلاني

مــــَلِّي الــغْرامْ عَــــرَّسْنا عَرْسانْ

غَــــيَّطْ الــوَرْدْ مَــوَّالْ سْــواكْني

تْـــــحَيَّرْتْ جَـــدْبَة تْـــهَزْ النَّفْسْ 

غــــَيَّبْ عْطَرْ ســـالْفَكْ وَجْداني

الــــــقَلبْ عَشْقَكْ مَـــلِّي بَهْوْنَكْ  

مـــَنْ زينْ رْمـوشَكْ السَّاحْراني 

عْطَفْتَكْ بَرْزاتْ بَزْغاريدْ الرُّوحْ 

 من عْيونَكْ جْمارْها مْصَهْداني

ؤُحَرْزَكْ المَدْفونْ بْعَتْبَةْ الشُّوقْ

رَعَّــــد سْحابْ حُبَّكْ ؤُشَتْواني

ؤُبْـــهيتْ غْرامَكْ المَزْهورْ جْمَرْ 

صيــــــفْ بْهاكْ المْڭَدَّرْ شْواني 

ياالــهْوى مَنْ كيسانَكْ سَكْراتْ

فْ وَسْـــــطْ اللِّيلْ دِيَّكْ دَوَّاني

كْــــتَبْتْ مَـــنْ حْروفك كَلْماتْ

ؤُدَوَّنْتْ قَـــصَّتْنا بْموجْ حَرَّاني

تـــْغَنَّاتْ بْ لَـحْنْ يَسْحَرْ لَبْتاتْ 

حيتْ زينَكْ شَخْداتْ مْدَوْبَاني

ياالــــسَّالْبَة مَـنْ العْقَلْ مْرَمَّاتْ

بْـغوكْ هَوَّسْ الخاطَرْ مْصَهَّرْني

الْعَشْقْ سُلْطانْ يْدَوِّي الحْروفْ 

ؤُمَـــــنْ رَحْبَةْ الغْرامْ مْشاليني

 

عــــــَزْ الرْجالْ الــــحُرّة عَـــفَّة

تــــــاجْ فُوقْ الرّاس بَــــهْراتْني

بقلم محمد حديش 

        م ج ح

16\03\2022