يا شمس عمري
____________
يا شمس عمري...يا مروحة
فايتاني ليه ف عز الضحى
هتغيبي ليه..هتسيبي إيه؟
هتسيبي قلبي..بين الرحى
يا شمس عمري...يا مروحة
___________
هيجي عليا......وقت المسا
ألملم ف قلبي اللي اتنسى
دقات عذاب.....دقات أسى
و نبرة غناه..........متجرحة
يا شمس عمري يا مروحة
___________
أنا كنت حبة غنا ف عنقود
الشوق فرطني ورا الحدود
وإن سألوا عني أنا موجود
ف الفضا روحي..متطوحة
يا شمس عمري يا مروحة
___________________
___________________
بقلمي ..
/ممدوح صبحي
ليست هناك تعليقات:
إرسال تعليق