🤲قاصدين رب كريم🤲
فى عز البرد والنوه
الخمسة كانوا اصحاب
ركبوا اللنش فى الماية
والغدر فيهم صاب
النوه كانت صعبة
والبحر ماله اصحاب
ياما غرقت فيه أرواح
وياما راحلوا فيه شباب
الله يكون في عون
كل إللى كان له حبيب
راكبين اللنش والنية
قاصدين رب كريم
والبحر طول عمره
غدار وغدره عجيب
غرقوا يا ولداه
والبحر فرقهم
غرقوا فى عز الليل
ولا حد يلحقهم
أمواج البحر بعدتهم
وفى الصخور حجزتهم
والعيلة واقفة تنادى
ع الشط ياولادى
يا بحر رجعهم
باءيدينا ندفنهم
لا غريق هيسمعهم
ولا دمع هيرجعهم
الله يصبركم
ويرحم شهدائكم
🌹✍منى العشرى
ليست هناك تعليقات:
إرسال تعليق