جنيه.
عبدالله رجب ابوعدنان
جنيه ع الورق
بعيون حسان تبرق
وانا ف هواها بغرق
ورعشه دبت ف مفاصلي
لكن كيف انسى أصلي
روحي ف لمتي وسط أهلي
واشوف الضحكه ف عيون الصبايا
وامسح أي خوف جوايا
واتمسك باليقين بعيد عن الغوايه
وحروفي تنقط عرق
مسك وزعفران
واهدهد بجناحاتي حنان
وأخطأ وفيها ايه ما نا إنسان
مع إن العمر مني بيتسرق
يا جنيه عشقتك قبل ما تعشقيني
ف خيالات البعد بتزاوليني
احضنيني واسكنيني ووشوشيني
واللي باقي مني رماد اتحرق
أنا طواف ف دنيا الشعر
بلتمس لنفسي العذر
عشقي وهيامي صبر ومر
لكن متزير بتوب الحق
ياما لمست نهود كتير قبلك
وف ضي شعري كنت بقابلك
وف كل حالاتك قابلك
وف كل حالاتي بصدق
صدقيني طريقنا مش واحد
واوعي تقولي عليا جاحد
وهبت عمري للحب وبجاهد
وكلمتي بقولها لو حتى ف نفق
ليست هناك تعليقات:
إرسال تعليق