" أصل ااااااالفراق "
بقلم / عمااااد الابنودي
**************
ما تبعدش عني و تطول
و تروح كمان تقول عدوا لي
و تفارق غرامنا لوحدك
و تسيبني واقفه بطولي
ليه مصمم على الرحيل
و ليه تتركني لحيرة الويل
و أنا عاشقاك بكل جوارحي
و لهواك اهو قلبي يميل
ماتستغربش أبداً م شوقي
لأن حبي ... ماينهزمش
دا أنت ليا كل نبضي
أبعد عنك كيف مقدرش
مد وصالك إرحم حاااالي
بلاش تهجرني وسط الأحزان
كان مال العشق كده و مالي
إيه ذنب قلبي يكون تعبان
متعرفش البعد بيولد جفا
والحواجز تزيد في التوهة
حكم القلوب هتقولك كفا
من كتر الأوجاع مقهورة
البعااااااد أبداً مش هين
بيبدر أرض الغرام جروح
حتي الهجر ماهوش لين
تملي يكسر فينا الروح
والاشارة راح تبقى خضرا
و اللي يمشي مع السلامة
وقتها نوفر دمع عيوننا
ولا نقول يا ميت ندامة
كأس المرار اهي متقسمة
و كل واحد بيلزم دوره
سكة ف خطاويها مرعبة
أصل الفراق له مقدوره
ساعتها الندم بيعدي أوانه
و الكلام يكوون سراب
جواه المعني يموت جماله
لما تلاقي الهوي غاااااااب
بقلم
عمااااد الابنودي
25 . 5 . 2022
ليست هناك تعليقات:
إرسال تعليق