سَكَنت حروفي
وألكلام عبا بجوفي
أصل زيطه والخبط يضرب قلب حيطه
كلمة مني.. كلمة منك.. والودان باتت موكيته!!
وأللي رايح وأللي جاي دايس ما همه
صوفه ناعمه أو حريره بالموكيته
دِنيا زيطه.. والخبط يضرب قلبنا ونمشي هليطه!!
وألكلام... ممكن ينام!
أو حتى يمشي بالسلام
يضرب كمان... تعظيم سلام
ما أصل هيه جدوورها اتشقلبت
نآمت وصبحت وعن حدودها إتوكلت
لبست هدوم من عند ناس ما بتنجلد
إدت عقولها بكيس قماش وفلت الولد
حد سيفه فتلة باتت تقطعه!!
ما اصل سيفه م الورق بات معدنه!
والهئ تطلع من لسانه ترسم ولد!
والخوف.... يعشش قلبنا
والفكر.... يمسك حصننا
إزاي هيحموا ارضنا؟؟؟؟
ازاي هيحموا عرضنا؟؟؟
والبلد... ماشيه بسند
ماده ايديها للولد
فارده طريقها بالمدد
بس العقول تفوق تقول
ترمي الزكيبه من إيديها وتصول تجول
تدق الطبول.. تمسك جدودها بالاصول
تمد ليهم بالجسور
ويمكن.... ترجع جدود
سكنت حروفي... والكلام
عبااا... عبا بجوفي
كلمات متقاطعة
حبشتكانات
حسام سليم
ليست هناك تعليقات:
إرسال تعليق