هاجرت ليه
صلة الأرحام
ليه زاد بينا الخصام
كل الصله تلفون و كلام
طعم الزاد و كأنه سام
هو ده طبع الأيام
و لا قلوبنا بقت صوان
والحب بقى في الأحلام
راح فين التزاور بينا
فين الخال فين الأعمام
لما كانوا بييجوا ويزوروا
ونواصل صلة الأرحام
كان الجار يسأل على الجار
لما يغيب يادوب أيام
كنا نقول أيه اللي جراله
يمكن تعبان حبه ونام
وان يوم زارنا غريب
نفرح بيه ونقوله ياعم
زي ما ابويا كان بيقولي
أكبر منك يبقى لك عم
لو بتعدي أيام و ليالي
نسأل يابا راح فين العم
ليه ماعدش بييجي وياك
اوعى يكون مات أصل أتغم
يعني سؤالنا على الغريب و الجار
هاجرت ليه صلة الأرحام
(((أسامه جديانه)))
ليست هناك تعليقات:
إرسال تعليق