& فيك موده & بقلم الشاعر : هشام عبد الله

 من كتاباتى

هشام عبدالله

فيك موده

.....

عيشها تحدى..

واهدأ وعدى..

والضحكه ليا.. ليها متخبى

دى الدنيا لسه

فيها الجميل...

عيون كتيره...

تلاغينى.. توعدنى..

تاخدهم الحيره.. لحب مش ليهم

لكن حبيبى عيونك الكحيله

وضحكتك البريئه..

تخلى قلبى ليك

مايل ميل...

......

عيشها تحدى..

واهدأ وعدى..

دا.. يا حبيبى

ما بينا حب أصيل

هتزعل.. وتتأل..

واجيلك واصلحك..

ومالو.. مهو قلبك

هو العزيز الجميل

عرفك مسامح..

لمواقف كتيره .. تعديها و تسامح

لقلبى السارح...

تاخدنى للحظه..

ولا تبعدنى عن قلبك الامير

......

عيشها تحدى..

واهدأ وعدى..

فيك موده..

وعشره وهاديه

متربيه على العزه

وعشرة العمر

متهونش على الكريم الاصيل

'دا يا حبيبى ما بينا

حب جميل

وعيونك الكحيله..

وضحكتك البريئه

تخلى قلبى ليك

مايل ميل ...