الانثى
يالى معاك بنت او ست
اتقى ربنا وخاف عليهم
واعى تدايق ناس عالنت
لاحسن بكرة تترد ليهم ..............
الست جزء من الحياة
الست نعمه من الاله
البنت دى حبيبه ابوها
ولما يكبر هى بترعاه ..................
الست لما اترملت
تبقى فى نظرك وحشه ليه
يمكن حياتها اتبدلت
ومعاها ابن تخاف عليه ................
ايه ذنبها ان زوجها مات
ايه ذنبها تعيش ازمات
مش هتبقى انت والزمن
وهى تدفع الثمن .........................
حتى لو يوم مشيت غلط
خليك فى حالك ياولد
بدل كتير تحدف ظلط
وتقول كلام مالوش عدد ..............
ودى واحدة يوم اتطلقت
عشان حياتها اتدمرت
اتجوزت ابن الجيران
ضاعت حياتها اتبهدلت .................
فرحت بيوم خرجوا سوا
مشيوا وراحوا فى الهوا
حبت وحبها كان غلط
واهى انكوت بنار الهوا ................
نظرتنا ليها تكون سهام
نظرة بتنطق كتير كلام
انها مش كويسة
ومش بنبص انه حرام .................
فى الحياة امثال كتير
فيها الشر وفيها الخير
خد منها الخير عيش
وابعد عن الشر
وملكش دعوة بالغير ...................
الانثى شئ جميل بجد
نخاف ربنا ونحط حد
عشان وقت ماتدوق النار
والله هاتتوجع بجد .................
تحياتى محمد تريكه تريكه
ليست هناك تعليقات:
إرسال تعليق