اوعاك تقول الكرامات
ترطيش
والنفحة تاج علي جبين
الدراويش
خد منهم الحكمة وقول
يسلمووووووووو
ولو حتي طير في السما
بدون ريش
خير الكلام اللي اتنطق
برموز
او بالاشارة توضح المرموز
مدد وحي ياطيبين لله
رايح وجاي مابين وصل
او. تاه
الذكر يجلي في القلوب
ويطيب
واللي في نصيبنا لابد
فينا يصيب
سلم امورك للخالق وناجيه
صحي العشم ولو المناب
تحابيش
واوعاك تقول الكرامات
ترطيش
وهاتها جمايل يارب
شاعر الحارة المصرية
صلاح سليمان
ليست هناك تعليقات:
إرسال تعليق