قصيدة بعنوان
«««« شارع الحبيب»»»»
ياشارع الحبيب
جيت لك انا
من بعد غياب سنين
وسابقني الشوق و الهوى
بقلب م البعد أكتوي
ولا عرفت ليا طريق
او حتى كان ليا صديق
يدي لقلبي الدوا
خبطت علي كل باب
بشوق وهوى غلاب
أسأل علي حبيبى
إل في حُبه قلبي داب
وأرتاح م العذاب
لاقيت حبيبي مسافر
وبقي علي بعادي قادر
سافر لبلاد بعيده
وسافرت من قلبي التنهيده
راحت تجرى وراه
وعدتَّ شهور وليالي
وأنا قاعده بستناه
يمكن يصادفني هوايا
وألقي قلبه معايا
لما نمشي انا وهوَ
ويضم الشارع قلوبنا
شارع الحبيب
وعيني تبقي في عينه
ولايوم عنها تغيب
أفرح لو يوم جاني
والشوق من قلبي يغيب
لما امشي ويتبع خُطايا
ويتحقق لقلبي منايا
ونسكن فى نفس الشارع
شارع الحبيب
بقلمــــــــى ✍️✍️✍️
الشاعرة د. جيهان الطنطاوى
ليست هناك تعليقات:
إرسال تعليق