🦅الطير المهاجر
ياطير يا مهاجر قول لى
امتى تروح لحبيبى
وصل له سلامى وقول له
الهجر مكنش باءيدى
حبيتك وربك يعلم
بالفرقه ونار تعذيبى
وصل له سلامى وحبى
وابعت له سلام من قلبى
واحلف له بالعزيز الغالى
فراقه دا كان على عينى
يا طير يامهاجر اوصل له
وصل له السلام ووصف له
أحوالى إزاى من بعده
والفرقة واللوعة فى بعده
غيابه دا كان على عينى
أمانه ياطير يا مهاجر
وانت فى طريقك سلم
على أغلى الحبايب عندى
وصلهم سلام متحمل
وبلغهم أنا ايه ذنبى
واشكى لهم عذابى وسهدى
ونهارى بيشبه ليلى
وحياتى ملهاش معنى
وإمتى الزمن يجمعنا
وننسى الليالى المرة
فى وجوده الحياة لها معنى
يا طير يا مهاجر طير
مسيلى عليه بالخير
حبيبى فى الغربة ساكن
وحبه فى قلبى ماكن
بتمنى لقاه لاكن
بعده دا كان على عينى
وصل له سلام مستعجل
دسلام من ضى العين
وارجعلى بأحلى هدية
رسايل ترد الروح
ومعاها الخبر اليقين
🌹✍منى العشرى
ليست هناك تعليقات:
إرسال تعليق