عارفه الفرق بينى وبينك
انى صريح .....ومبخبيش
ولما بتيجى عينى فعينك
بنسي الدنيا وميهمنيش
ببقي نفسي بقلبي اضمك
وابقي عاوزك ...متمشيش
بس بحس برعشه ف ايدك
وزى ماتكونى مفهمتنيش
عارفه الفرق بينى وبينك
انى بحبك ونفسي اعيش
اما انتى كتر........خيرك
عملانى فرجه او ترويش
وعمر الحب ماضي ف عينك
عايشه الدنيا بعقل شويش
حاطه قفال علي باب قلبك
وحالفه انك .....متفتحيش
عايشه وكاتبه شهاده وفاتك
وقايله الدنيا .....مابتساويش
عارفه الفرق بينى وبينك
انى لاخر لحظه هعيش
بسأل نفسي فينى وفينك
وعشان صريح ومبخبيش
إن الدنيا لو من... غيرك
فعلا دنيا .......متساويش
سامح سامح
ليست هناك تعليقات:
إرسال تعليق