(يآحبيبي كفايه غربه)
ياقلبي ليه عايش في حيرة
وليه كاويني بنار الحب والغيرة
بقالي سنين عايش انا و الخيال
واسهر الليل حيران افكر ومشغول البال
وعيون حبيبي كتير مدوباني
وسارقه طول الليل مني منامي
واسهر الليل اكتب مراسيلي واحكي
لحبيبي بُعده مراري وويلي
وافكره بليالينا اللي كان بيني وبينه من غرام
واوصف حبي ليه بأحلى كلام
واحكيله وافكره بالدنيا الجميله واحلي أيام
لاعرفنا يوم الندم ولا بينا يوم خصام
لا يوم افترقنا ولا ليله بِعدنا
عن بعضنا
وفات كام سنه علي حبنا
وقلوبنا دايبه في الحب وعايشين في هَنا
وسافر حبيبي وسابني وحدي انا هِنا
وساب قلبي في نار وعذاب وضنا
وقال يادوب سنه وزاد عليها سنه
والغربه سرقت مننا احلي ايام عمرنا
ياحبيبي كفايه غربه مين راح يداوي جرحنا
لا الزمان راح يرحمنا ولا ح يداوينا
ولا المال راح يرجع الشباب لينا
تعالي وكفايه غربه خلي الفرح يرجع لينا
وكفايه غياب
وخليك بقربي نعيش انا وانت احباب
تعالي والأمل جوانا راح يداوي
جرح البعد والعذاب
دا بعدك عننا عمره ماريحنا
ولا في يوم لحظه فرحنا
سافرت وسرقت أحلامى
وضاعت مني احلي ايامي
ليه نخلق لنفسينا العذاب
والغربه تخلي الفرح راح وغاب
خواطر ( اشرف الدغيدي)
حقوق النشر محفوظة
ليست هناك تعليقات:
إرسال تعليق