💎 كنت ذكرى 💎
كنت ذكرى وللأسف كانت مريره
كنت ذكرى رغم أنك رسمت جوايا
سعاده لكن قليله
فاكر لما وعدت قلبي وعيوني
فاكر لما سهرت الليل تناجي
شجوني
كل دا كان خيال ولا كان
شيء محال
لما حلمت أنك هتمحي همومي
وأنك هترسم البسمه على شفايفي
وتخيب كل ظنوني
للأسف خيبت ظني وبغرورك
ضيعت قلب كان بَاني لحبك
قصر عالي في الخيال
بس بردو مش غريبه
لما تغدر أو تخون
ما أنت أصلا من جواك سواد
ولعشق الصبايا شيطان مجنون
لكن في النهاية كسبت نفسي
لما بعدت عن حد كان راسم
أنه حنون
لكن خداعك عمره قصير
وبان من زيف أفعالك
وبتعجب ليه ماهي دي خصالك
وأنا اللي كنت مغميه عيني
وبقول ده حد راح يحتويني
ماهو أصل الحب ده في النهاية
جنان في جنان
ومرايه عاميه مخبيه وراها
أساطير لألف عاشق يخدع
ويخون ويبان في النهاية
أنه غلبان
ماهو يا ما أكتر الحكايات
عن رجال مظاليم يا عيني
وأتحطو في أصعب البطولات
لكن أحنا بردو أقوى
واللي يظلمنا
عليه راح نستقوى
واللي فاكر نفسه حاجه
راح نبيعه بالرخيص
ونقرأ عليه ألف رقوه
أصل كيد النساء عمره
مايغلبه الف شيخ
ولا خسيس
بقلمي✍🏼 : إيمان محمد✍🏼
ليست هناك تعليقات:
إرسال تعليق