🌤الحياة الطبيعية
لما النحلة تبقى أحلى
وحلاوتها مدارية
ولما الكحلة تبقى أحلى
فى العيون العسلية
ولما الطيبة تبقى طبع
جوه الناس العشرية
ولما الرحمة تبقى جايه
من العدالة الربانية
ولما النسمة تبقى هلهَ
ووراها نسمة جايه
ولما الطفل مرة يبكي
وبعدها الضحكة السخية
ولما الشمس تطلع يومياتي
ونورها يملى الدنيا دى
ولما القاضي يديك براءة
ويفك أسرك من القضية
ولما تقف جنب جارك
ودى المحبة الإنسانية
ولما تصحى من النوم تلاقى
إن روحك هى هى
ولما تيجي فى يوم تغني
على الموسيقى العربية
ولما تسمع ِشعر مني
والحكاية الرومانسية
ولما تفرح فرحة حلوة
وتخليك فى دنيا تانية
ولما القمر يطلع ينور
فى ليالي صافيه وهنية
ولما تواسي إنسان حزين
وتخليه يفرح شويه
ولما تعيش عندك كرامة
وتبقى تاج وأجمل هدية
ولما تعمل بنية خالصة
والضمير يصحى شويه
ولما الدنيا تبقى فانية
ووراها قيامة جاية
يبقى أكيد انت الإنسان
ودي الحياة الطبيعية
🌹✍منى العشرى
ليست هناك تعليقات:
إرسال تعليق