ماتحسبلهاش... من كلماتى.. عــــــــــــادل داود...
ماتحسبلهاش.. ياما. عايش. مات وياما ميت.. عاش. متحسبلهاش
وأدينا فيها راكبين ماشيه ومش حاسين وكتير حاجات ماشوفنهاش
وعام بطوله يغير فصوله.ليه كلهُ برد. وعواصف. وإحنا غطا ملناش
جينا الدنيا ماخيروناش عايشنهاصبرومين زينا بالحرمان ماإكتواش.
ماتحسبلهاش.. ـــــــــــــــــــــــــــــــــــــــــــــــــــــــــــــــ
مفيش حاجه في إيديك مهما ليها تحسب. كل شيء فى إيديه
تمشى. يمين تاخدك شمال بحظ مال ولا تعرف إزاى كده أو ليه
هو الخلاق صاحب الأرزاق.. مسيرها لُقا وفُراق. إرمى حمولك عليه
المُبتلى حبيبهُ. بقدرته شايله نصيبهُ. وأنت مع ربك عاوز تانى إيه.
ماتحسبلهاش.. ـــــــــــــــــــــــــــــــــــــــــــــــــــــــــــــــ
دنيتنا.مش جنه لا عريس.ولاحنه.للإختبار. وياعينى على الصابرين
يامحلى.شوق للفرح بعد عذاب.ولُقاأحباب.بعدغياب.ودموع وآنين
عيشها زى ماهيه شويه قسوة وشويه حنيه مش شرط نكون فاهمين
ساعات لوفهمنا نموت.خلينا شويه ذكاوه شويه سكوت ومش عارفين
ماتعرفش كل حاجه روحك محتاجه حنيه.واللى حبوا مش مجانين.
ماتحسبلهاش.. ـــــــــــــــــــــــــــــــــــــــــــــــــــــــــــــــ
هيه لو بإيدينا كنا فرحنا وغنينا لكن القدر غالب.والحظ للموعودين
ناس عملت كل حاجه ماخدتش أى حاجه والدنيا للملايكه والشياطين
المكتوبلك هيصيبك إرضى بنصيبك.ربك طبيبك خليك من الصابرين
اللى فى إيديا دمعة عينياودعاء لرب.السماءينجينى من الحاسدين.
مش حسبلها قدر ربى غالب على أمرها.وخير عاقبة للناس الطيبين
من كلماتى.. عـــــــــــــــــــادل داود.....
ليست هناك تعليقات:
إرسال تعليق