===== أنا وأنت =====
فتش في خبايا الروح
تلاقيني هنا عندك......
أحضن مني كل خيال
واسمع مني همس
بودانك بيجي ويروح
ويسبح حتى وسط خيالك
يلاقيني هنا مسكون
لا أنا عاقل ....
ولا مجنون ....
أنا بين وبين ....
بين فرحان
وحد حزين
حزين يقول إمتى أرتاح
وتريحنا حياتنا فين
وبين فرحي وأنا شايفك
هنا بالعين ........
وأقول فاكر لما
كنا لسه صغار
بالتراب نلعب
ونشعل نار
ندفي أيادينا
من برد الليل
وياما سوا
نغني بالمواويل
وتحضن أيادينا
أيادي بعض تدفينا
ولاحاسين بليل عدى
ولا فجر جاي خلاص
وعصفور شقشق
وحبه بحبه نتفرق
ونروح ونيجي
و بكره يجي من تاني
في نفس المكان
أنا وانت عشناها
أحلي عمر وأحلى سنين
بقلمي
صلاح شعبان الفيداوي
القاهرة
٢٠/٦/٢٠٢٢
ليست هناك تعليقات:
إرسال تعليق