🌴 خلاص مبقناش أحباب 🌴
بتغيب عني وبتجيني
جاي تقولي يا نور عيني
تحلف قربك يحييني
ردي عليا وجاوبني
اِزاي.. بتغيب...؟؟
وتقول عليا أعز حبيب
واِنت اللي من قلبي قريب
انا مش هاصدق من تاني
يلي في يوم كنت حبيبي
كنت دوايا وطبيبي
جاي بتقولي يا حبيبتي
عمرك ماتغيبي عن بالي
وتغيب ما تسال
وتقولي من تاني عودي
مفرقش غيابي ووجودي
نسيت كمان كل وعودي
كنت في يوم عطر ورودي.
عزف حنين على عودي
بكفاية بقي عتاب وملام
أيوه حبيبي خلص الكلام
أناجاية أقولك يلا سلام
بتغيب وتقولي اِنت الغالي
تعالي جاوبني علي سؤالي
ليه في غيابك اِتغير حالي..؟؟
وإفضل أغني في موالي
وأقول حبيبي تعلالي
من كتر غيابك اِتعودت
بعدك خلاص بقي بيحلالي
اِنت اللي اخترت
وعني بعدت
بكفاية.. بجد أنا اِتغيرت
أيوه اِتغيرت
بعدك خلاص مبقاش فارق
ما اِنت بتروح وتفارق
وتبعد من غير أسباب
خلاص مبقناش أحباب
خلاص مبقناش أحباب
بقلمي / إحسان صادق
ليست هناك تعليقات:
إرسال تعليق